(រាជធានីភ្នំពេញ)៖ នៅថ្ងៃចន្ទ ៩រោច ខែមាឃ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី១៧ ខែកុម្ភៈ ឆ្នាំ២០២០
ឯកឧត្ដម យក់ ប៊ុនណា រដ្ឋលេខាធិការក្រសួងមុខងារសាធារណៈ
និងជានាយកសាលាភូមិន្ទរដ្ឋបាល តំណាងដ៏ខ្ពង់ខ្ពស់ ឯកឧត្ដមកិត្តិបណ្ឌិត ពេជ្រ ប៊ុនធិន រដ្ឋមន្រ្តីក្រសួងមុខងារសាធារណៈ និងជាប្រធានក្រុមប្រឹក្សា សាលាភូមិន្ទរដ្ឋបាល បានអញ្ជើញជាអធិបតីដ៏ខ្ពង់ខ្ពង់ក្នុង ពិធីបើកវគ្គបណ្ដុះបណ្ដាលកសាងក្របខណ្ឌសមត្ថភាពសម្រាប់ថ្នាក់ដឹកនាំជាអគ្គនាយក និងអគ្គនាយករង ដោយមាន កិច្ចសហប្រត្តិបត្តិការរវាង វិទ្យាស្ថានមុខងារសាធារណៈ នៃប្រទេសសិង្ហបុរី (CSC) និងសាលាភូមិន្ទរដ្ឋបាល (RSA)។
– វគ្គបណ្ដុះបណ្ដាលនេះនឹងប្រព្រឹត្តទៅចាប់ពីថ្ងៃទី១៧ ដល់ថ្ងៃទី២៨ ខែកុម្ភៈនេះ នឹងត្រូវបានធ្វើឡើងនៅ មជ្ឈមណ្ឌលសហប្រត្តិបត្តិការកម្ពុជា សិង្ហបុរី ស្ថិតនៅក្នុងអគារ ICON professional លេខ ២១៦ មហាវិថីព្រះនរោត្តម សង្កាត់ទន្លេបាសាក់ ខណ្ឌចំការមន រាជធានីភ្នំពេញ។
– វគ្គនេះត្រូវបានបែងចែកជាពីរវេន គឺវេនព្រឹក និងវេនរសៀល ដោយសិក្សារយៈពេលពីរសប្ដាហ៍។ ក្នុងមួយវេនមានសិក្ខាកាមចំនួនប្រហែល៤០ ដែលអញ្ជើញមកពីក្រសួង ស្ថាប័នទាំង៣០ ចាប់ផ្តើមពីម៉ោង ៨:៣០ ដល់ម៉ោង ១២:០០ សម្រាប់វេនព្រឹក និងម៉ោង ២:០០ ដល់ម៉ោង ៥:៣០ សម្រាប់វេនរសៀល។
– នៅក្នុងសប្តាហ៍ទីមួយ (១៧ ដល់២១ កុម្ភៈ) សិក្ខាកាមនិងសិក្សាអំពី Leading Self, Leading People ជាមួយ Dr. Lim Peng Soon មានគោលដៅ៖
– familiarize participants with the leadership competencies identified for Director Generals (DGs) and Deputy Director Generals (DDGs) of the Cambodia Civil Service.
ហើយផ្តោតលើចំណុចដូចតទៅ៖
– Be conversant with the behaviors of the leadership competencies
– Practice the skills and apply the tools related to the leadership competencies
– Document and commit to their personal development for implementation at the workplace.
– នៅក្នុងសប្តាហ៍ទីពីរ (២៤ ដល់២៨ កុម្ភៈ) សិក្ខាកាមនិងសិក្សាអំពី Leading Organization ជាមួយ Dr. Christopher Koh
– សិក្ខាកាមត្រូវចូលរួមបង្កើតជាក្រុម ដើម្បីរៀបចំគម្រោង
– សិក្ខាកាមត្រូវមានវត្តមានយ៉ាងតិច៨០% ទើបត្រូវបានចាត់ទុកថា បានបញ្ចប់ការសិក្សាដោយជោគជ័យ និងអាចទទួលបានវិញ្ញាបនបត្របញ្ជាក់ការសិក្សា នៅក្នុងវគ្គបណ្ដុះបណ្ដាលនេះផងដែរ។