(រាជធានីភ្នំពេញ)៖ នៅព្រឹកថ្ងៃពុធ ១០រោច ខែមាឃ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១៥ ខែកុម្ភៈ ឆ្នាំ២០២៣
សាលាភូមិន្ទរដ្ឋបាល បានរៀបចំពិធីបិទវគ្គ និងប្រគល់វិញ្ញាបនបត្រជូនសិក្ខាកាមវគ្គបណ្ដុះបណ្ដាល “ការកសាងសមត្ថភាពគណៈគ្រប់គ្រងអង្គភាពសាធារណៈ” សម្រាប់មន្រ្តីរាជការនៃអាជ្ញាធរជាតិប្រយុទ្ធប្រឆាំងគ្រឿងញៀន និងអង្គភាពពាក់ព័ន្ធ ក្រោមអធិបតីភាពដ៏ខ្ពង់ខ្ពស់របស់ ឯកឧត្តមនាយឧត្តមសេនីយ៍ កែ គឹមយ៉ាន ឧបនាយករដ្ឋមន្រ្តីប្រធានអាជ្ញាធរជាតិប្រយុទ្ធប្រឆាំងគ្រឿងញៀន ព្រមទាំងមានការចូលរួមពីថា្នក់ដឹកនាំ មន្រ្តី សិស្សមន្រ្តីជាន់ខ្ពស់ សិក្ខាកាមវគ្គបណ្ដុះបណ្ដាល “ការកសាងសមត្ថភាពគណៈគ្រប់គ្រងអង្គភាពសាធារណៈ” ភ្ញៀវជាតិដែលអញ្ជើញពីអង្គភាពពាក់ព័ន្ធ និងអង្គការអន្តរជាតិជាដៃគូ ដែលមានចំនួនសរុប ៣១២នាក់។