(រាជធានីភ្នំពេញ)៖ នៅព្រឹកថ្ងៃសុក្រ ១១កើត ខែកត្ដិក ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី៤ ខែវិច្ឆិកា ឆ្នាំ២០២២
សាលាភូមិន្ទរដ្ឋបាល បានរៀបចំសិក្ខាសាលាផ្សព្វផ្សាយ ស្ដីពី «ឱកាសដើម្បីក្លាយជាសិស្សមន្ត្រីក្រមការ» ក្រោមអធិបតីភាព ឯកឧត្ដម យក់ ប៊ុនណា រដ្ឋលេខាធិការប្រចាំការ និងជានាយកសាលាភូមិន្ទរដ្ឋបាល នៃក្រសួងមុខងារសារធារណៈ ដោយមានវាគ្មិនកិត្តិយស ឯកឧត្ដម ង៉ឺយ ធឿន នាយករងសាលាភូមិន្ទរដ្ឋបាល។

សិក្ខាសាលានេះត្រូវបានរៀបចំឡើងក្នុងគោលបំណងផ្សព្វផ្សាយអំពី៖
១.ទិដ្ឋភាពផ្លូវច្បាប់ទាក់ទងនឹងសិស្សមន្ត្រីក្រមការ
២.ប្រយោជន៍ដែលសិស្សមន្ត្រីក្រមការទទួលបាន
៣.ការប្រឡងប្រជែងសិស្សមន្ត្រីក្រមការ
៤.ការបណ្តុះបណ្តាល និងជ្រើសរើសកន្លែងធ្វើការងារ (ចាប់ប៉ុស្តិ៍) របស់សិស្សមន្ត្រីក្រមការ។