(រាជធានីភ្នំពេញ)៖ នៅព្រឹកថ្ងៃអង្គារ ២រោច ខែពិសាខ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១៧ ខែឧសភា ឆ្នាំ២០២២ នៅសណ្ឋាគារ សូហ្វីតែលភ្នំពេញ

ឯកឧត្ដម យក់ ប៊ុនណា រដ្ឋលេខាធិការប្រចាំការនៃក្រសួងមុខងារសាធារណៈ និងជានាយកសាលាភូមិន្ទរដ្ឋបាល តំណាងដ៏ខ្ពង់ខ្ពស់ ឯកឧត្ដម ព្រុំ សុខា រដ្ឋមន្ត្រីក្រសួងមុខងារសាធារណៈ និងជាប្រធានក្រុមប្រឹក្សាសាលាភូមិន្ទរដ្ឋបាល បានអញ្ជើញជាអធិបតីក្នុងកម្មវិធីសិក្ខាសាលាស្ដីពី «ការគ្រប់គ្រងធនធានមនុស្សតាមប្រព័ន្ធព័ត៌មានវិទ្យា (Human Resources Management Information System: HRMIS) នៅសណ្ឋាគារ សូហ្វីតែលភ្នំពេញ (Sofitel Phnom Penh Phokeethra)។

សិក្ខាសាលានេះ មានគោលបំណងពីរ គឺ៖
១/- បង្កើនការយល់ដឹងពីស្ថានភាពបច្ចុប្បន្ននៃការគ្រប់គ្រងធនធានមនុស្សតាមប្រព័ន្ធព័ត៌មានវិទ្យា នៅកម្ពុជា និង
២/- បង្ហាញពីការអភិវឌ្ឍផែនទីបង្ហាញផ្លូវសម្រាប់ការគ្រប់គ្រងធនធានមនុស្សតាមប្រព័ន្ធព័ត៌មានវិទ្យា។