ថ្ងៃទី៦ ខែតុលា ២០២២
(រាជធានីភ្នំពេញ)៖ នាព្រឹកថ្ងៃពុធ ១០កេីត ខែអស្សុជ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី៥ ខែតុលា ឆ្នាំ២០២២
ឯកឧត្ដម យក់ ប៊ុនណា រដ្ឋលេខាធិការប្រចាំការនៃក្រសួងមុខងារសាធារណៈ និងជានាយកសាលាភូមិន្ទរដ្ឋបាល បានអញ្ជេីញជួបពិភាក្សាជាមួយក្រុមការងារ UNDP/PAI ក្នុងគោលបំណងពិភាក្សាអំពីផែនការដែលក្រុមការងារខាង UNDP/PAI គ្រោងនឹងអនុវត្ត សម្រាប់ការរៀបចំកម្មវិធីសិក្សាលើជំនាញ នវានុវត្តន៍ ព្រមទាំងទទួលយកនូវអនុសាសន៍ និងការណែនាំពីសំណាក់ ឯកឧត្ដមនាយក លើការអភិវឌ្ឍកម្មវិធី និងចក្ខុវិស័យជារួមទៅលើការបណ្តុះបណ្តាលស្តីពីនវានុវត្តន៍។
