(រាជធានីភ្នំពេញ)៖ នៅព្រឹកថ្ងៃចន្ទ ១៤រោច ខែស្រាពណ៍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី០៦ ខែកញ្ញា ឆ្នាំ២០២១

ឯកឧត្តម យក់ ប៊ុនណា រដ្ឋលេខាធិការប្រចាំការនៃក្រសួងមុខងារសាធារណៈ និងជានាយកសាលាភូមិន្ទរដ្ឋបាល អមដោយ លោកស្រី Nimnuon Iv Ek តំណាងអង្គការ UNDP នៅកម្ពុជា បានអញ្ជើញចូលរួមជាអធិបតីភាពក្នុងពិធីបើកវគ្គបណ្តុះបណ្តាលគ្រូបង្គោល ស្តីពី នវានុវត្តន៍ (TOT on Innovation) តាមរយៈអនឡាញ (Zoom) ដែលមានសិក្ខាកាមជាសាស្ត្រាចារ្យ របស់សាលាភូមិន្ទរដ្ឋបាល សរុបចំនួន ១២ រូប។

វគ្គបណ្តុះបណ្តាលនេះនឹងប្រព្រឹត្តទៅចាប់ពីថ្ងៃទី០៦ ដល់ថ្ងៃទី២២ ខែកញ្ញា ឆ្នាំ២០២១ និងមានគោលបំណងសំខាន់ផ្តោតលើ៖
– បញ្ជ្រាបទស្សនទាន និងចំណេះដឹងស្តីពីនវានុវត្តន៍
– ពង្រឹងសមត្ថភាពគ្រូបង្គោលដើម្បីពង្រីកការបណ្តុះបណ្តាល
– កសាងឯកសារមេរៀន កម្មវិធី និងផែនការសម្រាប់ការបណ្តុះបណ្តាល៕